पीकपाणी वार्तापत्र/ नाना हालंगडे
सांगोला तालुक्यात पेरणीपूर्व मशागतीची कामे सुरु आहेत. तालुक्याचे सरासरी २२ हजार ७१९ हेक्टर खरिपाचे क्षेत्र आहे. सन २०२३ च्या खरिप हंगामामध्ये ४० हजार ३२५ हेक्टरवर खरिपाची पेरणी अपेक्षित आहे. खरिप हंगामासंदर्भातील पेरणी, बियाणे व खतांचे संपूर्ण नियोजन कृषि विभागाने केले असल्याची माहिती तालुका कृषी अधिकारी शिवाजी शिंदे यांनी थिंक टँक न्यूज नेटवर्कशी बोलताना दिली.
तालुक्यात सध्या उन्हाळी मशागतीची कामे सुरू आहेत. शेतामध्ये ट्रॅक्टरद्वारे नांगरणी, फणाटणी कामांबरोबरच शेणखत विस्कटण्याची कामे सुरू आहेत. तालुक्यात सरासरी खरिप क्षेत्र २२ हजार ७१९ हेक्टर आहे. सन २०२१ खरिप मध्ये २९ हजार ८४८ हेक्टर क्षेत्रावर व गतवर्षी सन २०२२ मध्ये ३१ हजार ९५२ हेक्टर क्षेत्रावर खरिपाची पेरणी झाली होती.
येणाऱ्या २०२३ च्या खरिप हंगामामध्ये ४० हजार ३२५ हेक्टरवर खरिपाची पेरणी अपेक्षित आहे. तालुक्यासाठी यावर्षी खरिपासाठी १५ हजार ८२६ मे. टन रासायनिक खताचे आवंटन मंजूर झाले आहे. या हंगामासाठी येणाऱ्या अडचणी व खतांचे नियोजन कृषि विभागाने केले आहे.
गेल्या वर्षी युरिया खताचा काही प्रमाणात तुटवडा जाणवला होता. यावर्षी खतांचे संपूर्णपणे सूक्ष्म नियोजन केले आहे. गुणवत्ता नियंत्रणासाठी तालुकास्तरीय भरारी पथकाची स्थापणा करण्यात आली आहे. तक्रार निवारणासाठी तक्रार निवारण कक्षही स्थापण करण्यात आला आहे. .
शेतकऱ्यांनी आधिकृत दुकाणदाराकडुनच बियाणे, खते व किटकनाशके खरेदी करावेत. दुकानदाराकडून पक्के बिल घ्यावे. बॕगवरिल किंमतीपेक्षा जादा रक्कम देऊ नये. बियाणे बॕग व लेबल जपून ठेवावे. शेतकऱ्यांनी बिजप्रक्रिया करूनच बियाणाची पेरणी करावी. जमिनीमध्ये पुरेसा ओलावा निर्माण झाल्यवरच म्हणजे ८० – १०० मिमी पाऊस झाल्यवरच पेरणी करावी. बियाणे, खते, किटकनाशके बाबत काही अडचणी आल्यास कृषी विभागाशी संपर्क साधावा, असे आवाहन तालुका कृषी अधिकारी शिवाजी शिंदे यांनी केले आहे.
खतनिहाय मंजूर आवंटन पुढीलप्रमाणे –
खताचे नाव – आवंटण
युरिया – ५,९४७ मे. टन
एस.एस.पी. – २,१४६ मे. टन
एम.ओ.पी. – ९९९ मे. टन
डि.ए.पी. – १,७५७ मे. टन
एन.पि.के. – ४,९७७ मे. टन
* खरिप हंगामातील पिकनिहाय पेरणी चित्र –
पिकाचे नाव – सरासरी हेक्टर क्षेत्र – खरीप २०२२ चे क्षेत्र (हे.) – २०२३ चे प्रस्ताविक क्षेत्र (हे) –
बाजरी – १५५९६.६ – ११०१६.४ – १५०००
मका – ३९०१.६ – १४२५६ – १७५००
सुर्यफुल – ३८३.८ – ४०८० – ४२५०
तुर – २५७२.२ – ९८३.१ – १२५०
उडिद – ९४ – ४०३.९ – ६००
मुग – ८५.६ – १९१.८ – ४००
भुईमुग – १५४.८ – ४१२.७ – ५००
सोयाबिन – ०.६ – २३०.८ – ३००
कापुस – ०.२ – २६४.४ – ४००
मटकी – ० – ११२.७ – १२५
एकूण – २२७१९.२ – ३१९५२.८ – ४०३२५.
