थिंक टँक / नाना हालंगडे
अंगाचा थरकाप उडवणारी खुनाची घटना मंगळवेढा तालुक्यात घडली आहे. अज्ञात कारणावरून मंगळवेढा तालुक्यातील नंदेश्वर येथे तीन महिलांची डोक्यात दगड घालून हत्या करण्यात आली आहे.
दिपाली बाळू माळी (वय-25), संगीता महादेव माळी (वय-50), पाराबाई बाबाजी माळी (वय-45) अशी खूण झालेल्या महिलांची नावे आहेत.
सोलापूर ग्रामीणचे पोलीस अधीक्षक शिरीष सरदेशपांडे यांच्यासह वरिष्ठ पोलीस अधिकारी घटनास्थळी दाखल होत असल्याची माहिती मिळत आहे.
महिला एकाच घरातील
मिळालेल्या माहितीनुसार खून झालेल्या महिला एकाच घरातील आहेत. एकाच घरातील तीन महिलांच्या खून सत्रामुळे तालुका हादरला आहे.
मंगळवेढा तालुक्याच्या दक्षिण भागात असलेल्या नंदेश्वरात दुपारी दरम्यान अज्ञात इसमाने अज्ञात कारणावरून दिपाली बाळू माळी (वय-25), संगीता महादेव माळी (वय-50), पाराबाई बाबाजी माळी (वय-45) या तीन महिलांचा राहत्या घरासमोर दगडाच्या सहायाने खून करण्यात आला. तिन्ही महिलाची प्रेते घरासमोर अत्यावस्थ पडली होती.
खून झालेल्या महिला
या घटनेने नंदेश्वरात खळबळ उडाली असून, पोलीस निरीक्षक रणजीत माने घटनास्थळी दाखल झाले. हत्येच्या कारणामागील शोध घेण्याचा प्रयत्न सुरू केला.
या तीन महिलाच्या खुनामुळे नंदेश्वर गावावर शोककळा पसरली असून, अचानक झालेल्या खून सत्रामुळे गावात भितीचे वातावरण पसरले.
त्यामुळे पोलिसांनी तपासाची सूत्रे वेगाने हलवत एका संशयितास ताब्यात घेतल्याचे वृत्त आहे. त्यामुळे तपासाअंती या खुणाचे कारण स्पष्ट होणार आहे. SP शिरीष सरदेशपांडेसह वरिष्ठ पोलीस अधिकारी घटनास्थळी दाखल होत असल्याची माहिती मिळत आहे.
या तीन महिलाच्या खुनामुळे नंदेश्वर गावावर शोककळा पसरली असून, अचानक झालेल्या खून सत्रामुळे गावात भितीचे वातावरण पसरले.
(बातमी अपडेट होत आहे..)
