Trending

नाराज काँग्रेस नेते गुलाम नबी आझाद आणि कपिल सिब्बल यांनी एनडीएमध्ये यावे 

केंद्रिय राज्यमंत्री रामदास आठवले यांची ऑफर

Spread the love

मुंबई (विशेष प्रतिनिधी) भाजपचे हस्तक म्हणून अपमानित केलेल्या काँग्रेसच्या नेत्यांनी अपमान सहन करीत न राहता काँग्रेसचा त्याग करावा. देशाच्या विकासासाठी गुलाम नबी आझाद,  कपिल सिब्बलसारख्या काँग्रेसच्या वरिष्ठ नेत्यांनी भाजप,  आरपीआय आणि एनडीएमध्ये यावे,  असे आवाहन रिपब्लिकन पक्षाचे राष्ट्रीय अध्यक्ष तथा केंद्रीय सामाजिक न्याय राज्यमंत्री रामदास आठवले यांनी केले आहे.

काँग्रेस चे नेते राहुल गांधी यांचे नेतृत्व देशाच्या विकासासाठी कमजोर ठरले आहे. काँग्रेस पक्षाच्या बळकटीसाठी ज्या नेत्यांनी काम केले त्या वरिष्ठ नेत्यांवर भाजपचे हस्तक म्हणून संशय व्यक्त करण्याचे काम राहुल गांधी यांनी केल्याचा आरोप होत आहे. काँग्रेस पक्षाला पूर्णवेळ प्रभावी अध्यक्ष द्यावा यासाठी काँग्रेसच्या नेत्यांनी सोनिया गांधी यांना पत्र लिहिले होते. ते पत्र लिहिणाऱ्या काँग्रेस नेत्यांनी भाजपशी हातमिळवणी केल्याचा आरोप राहुल गांधींनी केला होता.

त्यामुळे असा अपमान या काँग्रेस नेत्यांनी सहन करू नये. गुलाम नबी आझाद आणि कपिल सिब्बल यांनी ज्योतिरादित्य सिंधिया यांच्यासारखा निर्णय घ्यावा. एनडीएमध्ये या नेत्यांचे स्वागत होईल,  असे ना. रामदास आठवले म्हणाले.

टीम थिंक टँक

थिंक टँक लाईव्ह हे थिंक टँक डिजिटल मीडियाचे मराठी न्यूज पोर्टल आहे. या न्यूज पोर्टलवर प्रसिद्ध होणाऱ्या बातम्या, लेख यातील मतांशी संपादक अथवा संपादक मंडळ सहमत असेलच असे नाही. लेखातील सर्व मते ही त्या लेखकाची स्वत:ची असतात. एखाद्या लेखाशी अथवा बातमीशी आपण सहमत नसाल तर आपली मते टेक्स्ट स्वरुपात कळवावीत. योग्य मतांना प्रसिद्धी दिली जाईल.

Related Articles

Leave a Reply

Your email address will not be published. Required fields are marked *

Back to top button
कॉपी करू नका